జాబ్ (latest jobs) కోసం చూస్తున్నారా..? గుడ్ న్యూస్.. కేంద్ర ప్రభుత్వ సంస్థ అయిన గురుగ్రామ్‌ లోని నేషనల్‌ ఇన్‌స్టిట్యూట్‌ ఆఫ్‌ సోలార్‌ ఎనర్జీ (NISE) లో పలు పోస్టులు ఖాళీ వున్నాయి. సీనియర్‌ ప్రాజెక్ట్‌ ఇంజినీర్‌, ప్రాజెక్ట్‌ ఇంజినీర్‌ పోస్టుల కోసం అర్హత, ఆసక్తి వున్న వాళ్లు అప్లై చెయ్యవచ్చు. అందుకే దరఖాస్తులు కోరుతూ నోటిఫికేషన్‌ ని విడుదల చేసింది. పూర్తి వివరాలని చూసేస్తే.. పక్కా వయసు 40 నుంచి 45 ఏళ్ల మధ్య ఉండాలి.
ఈ పోస్టుల కోసం దరఖాస్తు చేసేయాలంటే యూనివర్సిటీ లేదా ఇన్‌స్టిట్యూట్‌ నుండి ఎలక్ట్రికల్ / ఎలక్ట్రికల్ అండ్‌ ఎలక్ట్రానిక్స్ / ఎలక్ట్రానిక్స్ అండ్‌ కమ్యూనికేషన్ / మెకానికల్ / రెన్యూవబుల్ ఎనర్జీ మొదలైన విభాగం నుండి బీఈ/ బీటెక్‌/ ఎంఎస్సీ లేదా తత్సమాన కోర్సు ని పూర్తి చేసి ఉండాలి. వారే ఈ పోస్టుల కి అర్హులు. అంతే కాక అభ్యర్ధుల పోస్టును బట్టి మూడు నుంచి ఆరేళ్ల అనుభవం కూడా తప్పక ఉండాలి.
ఈ అర్హతలు కనుక ఉంటే ఎంప్లాయిమెంట్‌ న్యూస్ లో ఉద్యోగ ప్రకటన వచ్చిన 21 రోజుల్లోపు ( అంటే ఏప్రిల్‌ 30) లోగా recruitment.nise@nise.res.in ఈమెయిల్‌ ఐడీ కి దరఖాస్తులు ని సబ్మిట్ చెయ్యవచ్చు. ఈ పోస్టులకి విద్యార్హతలు, అనుభవం అధారంగా సెలెక్ట్ చేయనున్నారు. ఇక శాలరీ చూస్తే నెలకు రూ.53,000ల నుంచి రూ.70,000ల వరకు ఇస్తారు. అధికారిక నోటిఫికేషన్‌ లో ఇతర సమాచారం ని చెక్ చేసుకోవచ్చు.
